Mohamed Elsherif
Software Architect · Host of AskDeveloper Podcast
القلق الزيادة مش مفيد, بالذات لو قلقان على حاجات مش في ايدك تغيرها, ركز على اللي تقدر تغيره زي انك تزود معلوماتك و مهاراتك و خبراتك, تسعى في اتجاه انك تدور على فرص افضل حتى لو انت مش شايف النتيجة لسة, لأن مفيش حد يقدر يضمن نتيجة أي حاجة بيعملها, لكن من غير مجهود مفيش حاجة حتتغير.
مش دلوقتي, غير ان ده ممكن يحصل على تويتر يعني أو أي سوشيال ميديا تانية
No, I don’t have the time and it doesn’t scale either
أنا عامل خاصية انك ممكن تبعت جزء من السؤال private مش بيظهر غير لي أنا.
ما تفكرنيش و الله انا متحسر على السنين اللي راحت مع الموقع ده, بس الحمد لله عرفت أجيب مجموعة منهم من على web archive
Open referenced link
ask.bashmohandes.com
أنا في رأيي لو انت مستثمر على المدى البعيد, فالبورصة هي أفضل حاجة, و بالذات لو بتستثمر في صناديق استثمار اللي بتتبع مؤشرات بعينها في البورصة, زي مؤشر S&P500 في السوق الأمريكي اللي بيضم أكبر 500 شركة في أمريكا, أو في مصر أعتقد مؤشر EGX30 اللي بيضم أكبر 30 شركة في مصر, ده بيديلك فرصة تستفيد من نمو السوق اللي عادة بيكون مدفوع بالشركات الكبيرة فيه, بس برضه من غير مخاطرة عالية قوي لأنك مش شاري شركة واحدة, لكن شاري عشرات الشركات مع بعض.
و عموماً استراتيجية الاستثمار بتبقى فيها أكثر من مكون حسب أهدافك, يعني ممكن يبقى فيه جزء في السندات أو الذهب أو البورصات العالمية أو العقار و هكذا. طبعاً كل ده مش في البداية, انت بتبني خطوة خطوة و الموضوع محتاج صبر, و ما يضحكش عليك بأوهام الثراء السريع.
الدراسة الأكاديمية بالنسبالي كانت مهمة جداً, و أغلب التأسيس بتاعي كان في الجامعة, و علشان كده أنا دايماً بأكد على أهمية التعليم الجامعي و ما بحبش نغمة ان كلياتنا فاشلة أو ضعيفة أو غيره, أكيد طبعاً عندنا جامعات مستواها متواضع, بس حيفضل في رأيي التعليم الأكاديمي هو الطريق الأقصر للمجال, و حيفضل فيه مواضيع معينة و مجالات بعينها صعبة جداً الدخول فيها بدون دراسة أكاديمية.
أعتقد انت شايف السوق صح, الشغل التقليدي في مجالات ال Pen-Testing في انحسار مع صعود ال Automation باستخدام ال AI Models الحديثة و بالذات اللي مصممة لمجالات أمن المعلومات, و كويس انك داخل في الموضوع من بدري و بتاخذ خبرة فيه, أعتقد ده حيبقى استثمار ممتاز ليك في المجال.
و طبعاً الحياة بتحتاج أحياناً أختيارات تكتيكية و مرحلية بالذات في أوقات التحولات, يعني المستقبل اللي شايفينه بيتحقق لسة ما تحققش بشكل كامل, و الماضي لسة ما اختفاش بشكل كامل, فمحتاجين أحياناً علشان نعرف نعيش اننا نبقى رجل هنا و رجل هنا لحد ما التحول ينتهي, فلو شايف ان فيه قيمة في انك تعمل دبلومة أو حاجة ممكن تفتحلك باب رزق كويس اليومين دول و ده مش متعارض مع استثماراتك في المستقبل ده شئ طبيعي و ان كان طبعاً حيبقى ضغط وقت عليك شوية, فانت طبعاً أدرى بالسوق و احتياجاتك بس بشكل عام ده بيحصل علشان العالم مش أبيض و اسود و محتاجين نعيش في المنطقة الرمادية دي فترات
اقرأ كتاب AI Engineering كتاب ممتاز
هو مش تخصصي بس ممكن تتابع بشمهندس أحمد غازي هو متخصص و عنده خبرة طويلة ما شاء الله في انظمة ال FinTech
Open referenced link
x.com