هندسة أنا عندي خبرة سنتين، ومستوايا التكنيكال كويس الحمد لله, مثلا بشارك في Open Source و شاركت في GSoC مرة قبل كدا، وبدرس System Design مع نفسي و كتب بقرأها. الحاجات دي بعملها بجانب الشغل الاساسي.
مشكلتي إن التقديم مش بيجيب نتيجة، وما بأوصلش لمرحلة الإنترفيو أصلاً. هو إيه اللي محتاج أعمله زيادة أو طريقة التقديم عشان أوصل لinterview في شركة اجنبية في مصر او شركة خارج مصر؟

للاسف الوضع حالياً محتاج بعد توفيق ربنا انك تبذل مجهود مضاعف في البحث و الاستعداد و التقديم, يعني قدم في كل اللي ممكن ينطبق عليك أو حتى اللي مش منطبق قوي بس ييجي, و قدم بكثافة و باستمرار, و اتأكد ان ال resume/cv بتاعتك ما فيهاش مشاكل أو اخطاء ممكن تكون بتقلل فرصك, حاول تراجعها مع حد تعرفه يكون عنده خبرة في التوظيف, لو تعرف حد من زملاءك أو دفعتك بيشتغلوا في شركات انت عاوز تشتغل فيها حاول تشوف اذا كان ممكن يعملولك Referral في الشركة.
و برضه حاول مع نفسك تبني مشاريع و تنشرها وتعمل لنفسك Portofolio تقدر توريها للناس و ممكن يجيلك شغل عن طريقها برضه.
و مش بالضرورة تستهدف شركات اجنبية بس, قدم في كل اللي تقدر عليه و كله خبرة و شغل برضه, و ان شاء الله تجيلك الفرصة اللي ترضيك.