دايما عندي احساس ان عندي خبرة وهمية واني لسة كتير جدا عن إني ابقى mid حتى وده بسبب اني كنت كلية تجارة وبدأت مذاكرة مع نفسي واشتغلت سنين وقت الكلية في تيم صغير وكنت بعمل كل حاجة ومكنش حد عنده خبرة اكتر مني، حاليا انا اشتغلت في شركة كجونيور عشان مجرد التيم واني اخد خبرة اكتر ونفس الاحساس جوايا

هو الإحساس ده شائع جداً، و مش لازم يكون مؤشر حقيقي على مستواك. بالعكس، في حالتك بالذات واضح إن جزء كبير منه جاي من مقارنة نفسك بمسار "تقليدي" انت أصلاً ما مشيتش فيه: كلية مختلفة، self-study، و شغل بدري في تيم صغير كنت شايل فيه حاجات كتير. ده ما يثبتش إن خبرتك وهمية، ده بس معناه إن خبرتك اتكونت بطريقة غير مرتبة شوية.

الأهم هنا: ما تحاولش تقيس نفسك بالإحساس. قيس نفسك بالشغل. هل بتعرف تستلم task وتفهمها وتكسرها وتنفذها؟ هل بتعرف تسأل الأسئلة الصح؟ هل أخطاؤك بتقل؟ هل بقيت شايف trade-offs أحسن من زمان؟ دي مؤشرات خبرة حقيقية. و قرارك إنك تروح شركة كـ junior علشان تتعلم من تيم أقوى ده في رأيي قرار ناضج، مش دليل ضعف.

عموماً حاول تتجاهل الإحساس ده لأنه حتى لو انت مصدقه فهو غير مفيد، و بالعكس حيأثر على حماسك و ثقتك في نفسك. الأفضل إنك تحوله لأسئلة عملية: أنا ناقصني ايه تحديداً علشان أبقى mid؟ architecture؟ testing؟ ownership؟ communication؟ وحط لكل نقطة plan صغيرة تشتغل عليها. انت ماشي كويس الحمد لله، و ده المهم.