انا حاليا junior devمقتنع ان الاساسيات مهمة و بحاول اشتغل على دا و لكن الطبيعة الشغل بقت معظمها معتمدة على الai و الautomations ف فرص ان واحد فالمستوى بتاعي انه يجرب و فترة الtrial and error الي كانت بتبني الخبرة ف رأيي بتقل و بقيت delegate الاختيار للai
ف ازاي نقدر نشتغل على النقطة دي؟

كده او كده في الشغل بتستخدم ال AI علشان تنجز، لكن و انت بتتعلم موضوع معين استخدم ال AI بس مش علشان ينفذ الحاجة لان كده انت ما بتتعلمش لكن ممكن تستخدمه ك Guide او مساعد يحطلك مصادر تتعلم او يشرحلك حاجة او يديلك خطة تساعدك و انت بتتعلم، و لو حسيت لسة انك بتلاقي نفسك برضه بتعتمد عليه و مش بتتعلم، ممكن تجرب تعمل زي Detox او تغير الأسلوب بتاعك خالص في المذاكرة و تقرا كتاب، و تاخد ملاحظات لو فيه حاجة محتاجة follow up بس ما تروحش تسأل على طول، لما تخلص الجزء اللي انت بتذاكره روح بقى دور على كل الملاحظات اللي انت محتاجها، فتعمل فصل شوية بين الوقت اللي يتذاكر فيه لوحدك و بين لما بتلجأ فيه للمساعدة، زي لما كنت بتذاكر مثلا في المدرسة او الجامعة لوحدك و لما حاجة بتقف معاك بتسأل المعيد او المدرس بتاعك لما تشوفه بعدين.