ايه اصعب حاجة واجهتها في النقل من مصر لكندا و من كندا لامريكاو هل التنقل جوة امريكا بنفس الصعوبة ؟

تخليص الأوراق في مصر قبل السفر كان رخم جدا، اول كام أسبوع برضه سواء في كندا او امريكا بيبقوا كلهم تخليص أوراق و حاجات لسة مش فاهم فايدتها ايه، من ورق حكومي لبنوك و رخص قيادة و تدوير على سكن و في النص بتحاول تفهم شغل جديد عليك و تثبت نفسك، الموضوع ما كانش سهل بس الحمد لله ربنا بيوفق و يهون.
التنقل جوة البلد مش مأساه قوي، في النهاية انت كانك بتنقل في مصر بين محافظة و التانية، فيه شوية تفاصيل زي رخص القيادة بتحتاج تغيرها لان كل ولاية ليها رخصة خاصة بيها، و فيه شوية اختلافات في الضرايب.