انا junior قربت اكمل سنة في الشركة اللي انا فيها. وعندي احساس ان حب المجال مات جوايا، ايام ما انا كنت لسه في الكلية كان عندي شغف وحب للمجال، لكن دلوقتي حاسس انه مش فارق، وفي شغلي بشغل claude واسيبه يخلص التاسك وبعدها اروح وبس.وده بنسبة كبيرة راجع للتغيير اللي عمله ال AI في طبيعة شغلنا اللي بقت مملة اكتر (بالنسبالي) وكمان طريقة الشغل نفسها في شركتي، المهم عندهم السرعة علي حساب ال quality وان الحاجة تطلع مظبوطة وده خلاني مش مهتم بجودة شغلي وواحدة واحدة بقيت مش مكترث بالمجال بشكل عام. وخايف بردو اني اكمل بالشكل ده وملاقيش شغل في الاخر لاني مبتعلمش حاجة، بس في نفس الوقت مش لاقي الدافع اني اذاكر

أنا متفهم جداً اللي انت حاسس بيه, و ده أشبه بمفهوم "الاستغراب" أو ال Alienation في النظرية الماركسية, و للأسف ده متوقع جداً لما عملية انتاج كانت مبنية أساساً على الحرفية Craftsmanship و تتحول لحاجة شبه خط الانتاج لل Mass Production, فبيحصل انفصال بين الانسان و المنتج, بيبقى كله شبه بعضه.
في وجهة نظري شغلنا مع الوقت حيبتدي يتحرك في اتجاه تطوير ال Process حول ال AI, أقرب لتطوير المصنع و خط الانتاج و زيادة انتاجيته, لكن مش تفصيل المنتج نفسه يدوياً, و لسة الموضوع مش واضح قوي, فهي مرحلة رخمة شوية, و أعتقد الأفضل دلوقتي انك تستمثر شوية من وقتك في انك تشوف هندسة البرمجيات من زاوية أوسع شوية, و تبتدي تشوف ايه الحاجات اللي دلوقتي تعتبر فيها مشاكل كفاءة و ازاي تحاول تصلحها بحيث المنتج النهائي يتحسن, و دي حتبقى حاجات غالباً خاصة قوي بكل شركة و مؤسسة و طريقة تطوير البرمجيات فيها, و حيفرق فيها جداً الناس اللي فاهمة البزنس و مشاكله و تفاصيله و ال Limitations اللي فيه.