ازاي حضرتك عامل ايه،هو يعني ايه Forward Deployed Engineer انتشر مؤخرا بشكل كبير وكنت عاوز اعرف بيعمل ايه و دوره ايه SDLC مثلا وايه بيفرق ايه عن ال swe والمفروض ال swe يكون مُطلع علي ايه عشان يبقي FDE

هو مش شغلانة جديدة, هو طول عمره دور niche و موجود من زمان, الفكرة كلها ان ده بيبقى في الشركات اللي بتعمل أنظمة ما ينفعش تشتغل كويس غير لما تبقى well integrated في البيئة بتاعة ال customer, يعني محتاجة حد يكون فاهم الشركة دي شغالة ازاي من جوة, نوع البيانات و ال business بتاعهم, الأنظمة التانية اللي بتستخدم هناك, ال workflow بتاعهم ماشي ازاي, و بناء على ده يبتدي يفصل ال integration و يصممه على مقاسهم. و اللي هي بتبقى ساعات بتتسمى Bespoke Solutions.
اللي خلى فيه زيادة في الموضوع ده مؤخراً ان فيه شركات من اللي بتعمل Enterprise solutions في مجالات الذكاء الصناعي بيلاقوا نفسهم محتاجين الموضوع ده علشان مش حينفع يشغلوا نظام Generic متمرن على بيانات عامة في بيئة متخصصة, بكل ظروفها و مشاكلها, فبيحتاجوا مهندسين من عندهم يشتغلوا فترات جوة شركات العملاء بتوعهم علشان يقدروا يعملوا ال Integration بشكل كويس.