أنا كلية العلوم الحاسب قعدت سبع سنين فى الكلية و لسه هاتخرج السنادى اشتغلت فى وظائف كتير زى ال data entry ، operation manager,و خدت انترن فى السعودية ك داتا انالايست تلت شهور بس بقالى من شهر ستة م لاقية شغل فى التيكو اتجهت لل داتا انجنير ستيل م لاقية شغل فيها او انترن و بسبب اللى حصل والسنوات الكتير اللى قضيتها فى الكلية م عارفة اقيم خبرتى وبفكر اشتغل بتخصصى كا سوفتوير انجنير و انا ماعنديش رفاهية الوقت اقعد اذاكر جافا سكريبت كورس جوناس لانوا بياخد وقت كتير فا م عارفة أعمل إيه مع العلم انا لما دخلت جلسة مع منتور من ديلويت قالى انى شاطرة ولما اتخرج اتصل بيه يعملى ريفرال اشتغل معاهم

مبدئياً حاولي ذهنياً تطوي صفحة الجامعة بسنينها السبعة, و دي كانت مرحلة و عدت الحمد لله, و ركزي في المستقبل.
السوق حالياً محتاج مجهود في البحث و الاستعداد و صبر على النتايج, ما تستعجليش و اعملي اللي عليكي, أنا مش عارف ايه الكورس اللي انت بتتكلمي عنه ده, بس عموماً ما تعامليش الكورسات دي على انها مناهج, انت بتاخدي منها اللي انت محتاجاه علشان تبتدي تطبقي و أي حاجة تانية حتتعلميها و انت بتتمرني و تاخذي خبرة, و لو لقيتي انك محتاجة تدرسي مواضيع زيادة, دوري على مصادر سواء كتب أو محاضرات أو حتى الذكاء الصناعي علشان تفهمي الموضوع ده, و ارجعي للتدريب و التنفيذ, كل ده بيحصل في نفس الوقت اللي انت برضه بتقدمي على شغل و تتواصلي مع الناس.
بالتوفيق ان شاء الله