درست حاسبات عادي بس نص كم وقصرت فعلا في العلوم الأساسية مش هكذب وكنت فرونت اند وحبيته فعلا وكنت بحب السحر اللي بنعمله بالبرمجة ولكن تقنيا مكنتش كفؤ للي السوق عايزه وفي ظل ده حبيت جزء المبيعات اللي قبل الشغل وشغال حاليا فيه مش شغال قريب من التقنية نهائي شغال بياع بس لكن لا زال حبي للكمبيوتر وحبي للمنتجات اللي بنعملها كبير لا زلت بحب كل حاجة حوالين المنتج من ناحية البيزنس والمستخدم وتطويره وكده ولكن تقنيا في فجوة كبيرة مبسوط الصراحة لكن مش عايز أنفصل عايز أكون لسه في الزون دي تقترح إيه أبص عليه أو أديله اهتمام؟ جونيور للأسف

هو بصراحة من اللي انت كاتبه، انت مش منفصل عن المجال زي ما انت متخيل، انت غالباً بس محتاج تعمل Pivot من دور تقني صرف لدور قريب من المنتج و البزنس أكتر.

في رأيي أكتر 3 اتجاهات منطقيين ليك تبص عليهم: Technical Presales / Sales Engineer، Product Management، و Customer Success / Solutions Consultant. ليه؟ لأن دول أدوار محتاجة حد فاهم لغة التقنية بشكل كفاية، لكن كمان بيعرف يفهم العميل، يربط الاحتياج بالمنتج، و يفكر في value مش بس implementation. و دي باين جداً إنها منطقة انت مرتاح فيها. مش لازم تبقى أقوى Front End Engineer علشان تبقى شاطر هناك.

بس مهم أوضح حاجة: لو انت حالياً "بياع بس" بعيد تماماً عن التقنية، فالأولوية مش إنك ترجع تذاكر Computer Science من الأول على أمل تبقى Developer قوي، إلا لو ده فعلاً هدفك. الأهم إنك ترجع تبني technical proximity. يعني مثلاً: اتعلم SaaS sales cycle، discovery، demoing، writing proposals، basics of APIs / integrations / databases / cloud على مستوى يخليك تشرح و تفهم، مش شرط تنفذ. ولو المنتج اللي حواليك تقني، حاول تقرب من ال implementation team، احضر demos، افهم objections، و اتعلم الناس بتقيم solutions ازاي.

فلو عاوز ترشيح عملي: أنا كنت هبص أولاً على Technical Presales لأنه غالباً أقرب نقطة وصل بين شغلك الحالي و حبك للتقنية و المنتج. بعده Product لو انت ميال أكتر للمستخدم و الأولويات و direction. اعملها كخطة 3 شهور: اختار مسار واحد، ذاكر أساسياته، و حاول تطلع بأي evidence صغير عليه: mock demos، competitor analysis، product requirement doc بسيط، أو حتى تفكيك لمنتج SaaS بتحبه. الهدف مش شهادة، الهدف إن يبقى عندك narrative واضح: أنا جاي من sales وعندي technical awareness وعاوز أشتغل في نقطة الربط بينهم.

فآه، مفيش أي مانع خالص تتجه لمجالات تانية في صناعة السوفتوير. بالعكس، ده ممكن يكون أنسب لك من إنك تفضل تحارب علشان تبقى في دور تقني صرف مش مناسب لك.