All answersمساء الخير يا هندسة،
Mohamed Elsherif
مساء الخير يا هندسة،
حابب أشكر حضرتك على المجهود الجميل في الرد على الأسئلة، بنتعلم من كل رد فعلًا.
أنا Flutter Developer بخبرة سنتين، ولسه حاصل لي layoff وبقدم حاليًا على فرص جديدة، لكن للأسف مفيش ردود كتير وحاسس إن السوق بقى أصعب.
محتار في الخطوة الجاية: هل أركز وأتعمق أكتر في Flutter، ولا أوسع الـskill set وأبدأ Backend، خصوصًا مع اتجاه الشركات للـFull Stack وزيادة الاعتماد على الـAI؟
ومن واقع خبرتك، إزاي الواحد يعرف إمتى يصبر ويكمل في تخصصه ويستثمر وقته فيه، وإمتى يبدأ يوسع مجاله؟ وهل الأفضل أركز في اتجاه واحد الفترة دي، ولا أبدأ أبني مسار جانبي من غير ما أشتت نفسي؟
Anonymous ·
Mohamed Elsherifربنا يعوض عليك ان شاء الله, اليومين دول مش أحسن حاجة, بس ربنا ان شاء الله حيسهل, أعتقد بما انك بالفعل اشتغلت Flutter فترة, مش حيضيف ليك كثير قوي التعمق فيها أكثر دلوقتي, لكن الأفضل انك تبتدي تتوسع افقياً لمجالات تانية قريبة زي ال Backend و ال Infra علشان تبقى برضه قادر على القيام بأدوار ال Full Stack.