عندي سؤال ممكن يكون مضحك شوية هو ai والنماذج اللى بنسمع عنها من شركات مختلفه دي حجمها كبرامج أد ايه ؟ هل هي برامج ضخمة ... من المؤكد ان عندهم داتا ضخمه بس انا بفكر هو ازاي بيعلم نفسه وبيعمل mapping لكل حاجه ... انا مش متخيله برنامج تقليدي بيشتغل بطريقة imperative لانه لو كده فعلا كنت لما أسأله نفس السؤال مرتين يرد بنفس الاجابة ... هل تعرف كورس او كتب تشرح بالتدريج ازاى ai بيشتغل ده سؤال ؟السؤال الثاني احنا كمبرمجين بنستخدم ai محتاجين نعرف ايه عنه كحد أدني علشان ما نرهقش نفسنا ونلاقينا دخلنا فى ML ؟

هو موضوع كبير طبعاً, و أكيد هو مش مجرد برنامج كبير, لكن أقرب لل Neural Networks اللي هي الشبكات العصبية و اللي بصورة مبسطة بتعمل محاكاة لخلايا المخ, بس طبعاً فيه تفاصيل كثير أنا شخصياً مش ملم بيها في ازاي ال Transformer Blocks بتشتغل و تعمل معالجة للمدخلات زي النصوص في شكل Tokens مثلاً علشان في الآخر تنتج Probability Distribution لايه ال Tokens المحتملة.
عموماً فيه كتب و محاضرات كثير بتدخل في التفاصيل دي, و فيه برضه مواقع بتعمل محاكاة لايه اللي بيحصل جوة ال LLM زي الرابط اللي تحت ده
و برضه حاطط محاضرة من جامعة ستانفورد و هي جزء من كورس Machine Learning بس المحاضرة دي تحديداً عن ال LLM's