السلام عليكم ورحمه الله وبركاته ازاي احسن الانجليزي بتاعي+انا رايح تانيه حاسبات و GPA بتاعي ميت ازاي اجيب تقديرات كويسه وهل الكلام ده بيفرق في سوق العمل انا GPA التراكمي بتاعي 1.80
Anonymous ·
Mohamed Elsherifابذل مجهود في المذاكرة, مفيش سحر و الله في الموضوع.
و الانجليزي أو أي لغة بتحتاج الأول تتأكد هل انت عندك حصيلة لغوية كافية؟ سواء مفردات اللغة Vocabulary أو القواعد اللغوية نفسها Grammar؟ لو انت مستواك معقول هنا غالباً حيبقى ما عندكش مشكلة كبيرة في الكتابة أو القراءة, حتى لو بتاخذ منك مجهود شوية, بس لو بتقرا كتاب أو مقالة مثلاً بتفهم المطلوب الى حد كبير, لو دي فيها مشكلة عندك, يبقى محتاج تتأسس في اللغة نفسها, دي بقى ممكن كورسات سواء اونلاين أو برامج تعليم لغة و خلافه.
لو انت مشكلتك في السمع و المحادثة, دول بييجوا بالتدريب و الممارسة, السمع محتاج انك تتعود على انك تسمع محتوى بالانجليزي فترة طويلة من غير ترجمة, أو بالكثير تبقى الترجمة بالانجليزي برضه, ده حيدرب مخك على انه يحاول يتابع و يفهم, ما يبقاش متراخي على ان فيه ترجمة بالعربي و انت بتقراها و خلاص.
المحادثة برضه بتبجب بالممارسة انك تتكلم مع حد فترات طويلة و تتعود انك مع الوقت تفكر بالانجليزي مش بالعربي و تقعد تترجم على الهوا.
كل الحاجات دي الذكاء الصناعي ممكن يساعدك فيها جداً, سواء المحادثة لأنك ممكن تتكلم مع الذكاء الصناعي فترات طويلة حتى لو بتغلط مش حتحس باحراج يعني.