باشمهندس محمد حاليا بقالي سنة بذاكر عشان اشفت لباك أند وانا خلفية من برا المجال وشغال في شغلانة عادية 12 ساعة وأوقات فوق بس قررت اخد خطوة واتعب شوية واذاكر جمب شغل ولغير للمجال بس الوضع الحالي الي عالجرولات مخوفني بسبب مفيش شغل وناس بيحصلها layoffs وانا يا دوب لسة مخلص نص الأساسيات ومبدأتش تكنولوجي معينة وبالاخص ان سني داخل ع 27

الإنترنت مليانة احباط, و الطاقة السلبية دي على فكرة من قبل الذكاء الصناعي و قبل كل الكلام ده, دايماً حيبقى فيه مشكلة تعميم مشاكل قابلت شخص ما على ان دي أزمة عامة و مفيش أمل, لكن الواقع جزء كبير منه ان المجال ده في تغيير مستمر طول عمره, و التغيير ده تحدي كبير مش كل الناس تقدر عليه و لا تستحمله.
لو انت مبسوط و حاسس انك بتتعلم و بتطور و كل يوم أحسن من اللي قبله, خليك ماشي في طريقك, ما تشتتش نفسك, و انت بالفعل بتعمل اللي أغلب اللي في المجال مش بيعملوه و هو انك شغال على نفسك.