يا هندسة لو سمحت لو ينفع تجاوب على السؤال ده لو انت فرضا اتخرجت من كلية برة المجال خالص وعايز تبقى مهندس برمجيات بمستوى يوصلك للشركات الكبيرة والفانج كنت هتعمل ايه حتى لو الخطة هتاخد سنتين ومعاها مذاكرة يوميا لعدد ساعات كبير بس ايه الطريق اللي كنت ناوي تمشي فيه دلوقتي وسط الذكاء الصناعي عشان توصل لمستوى كويس جدا مش بس واحد بيكتب كود ومش فاهم حاجة وحاسس ان عنده نقص ياريت لو تديني اجابه واضحه وعمليه واسف لو سؤالي طويل والله
Anonymous ·
Mohamed Elsherifأنا مش بحب أسئلة من نوعية - ماذا لو؟ - لأن مش حقدر مهما عملت أحط نفسي في عقليتي من ٢٠ سنة مثلاً و كمان في ظروف مختلفة زي ظروف النهاردة.
اللي حقدر أقوله, اني غالباً كنت حتخبط كثير, حجرب حاجات عشوائية لأني مش عارف حاجة, كنت ححاول اتعرف على ناس ليها خبرة و اشوف بيعملوا ايه و أقلدهم, أدور على Roadmaps و أمشي على أجزاء منها و بعدين حزهق غالباً و أدور على حاجات تانية, الله أعلم كنت حوصل لحاجة و لا لأ, ممكن بعد شوية التخبيط دول أشبك في شغلانة فريلانس, أو أعك في شوية مشاريع من دماغي, أتمنى ان حد يدلني ساعتها على كورسات أكاديمية تحط شوية مبادئ علمية حوالين الأفكار دي, زي مثلاً كورس CS50 كده, تقلل التشتت شوية, مش عارف و الله هل كنت أصلاً حفضل مكمل و الا لأ. أنا شخصياً مش من الناس اللي بتخرج برة الخطوط قوي, يعني مش الشخصية اللي تدرس حاجة و تشتغل في حاجة تانية, فمش أحسن حد يجاوب على السؤال ده للأسف.