بالنسبة للتكلفة الحدية marginal cost. سواء إن الشركة تعيد بناء البرمجيات الصغيرة الي بتعتمد عليها، فتقلل التكلفة، زي أدوات تتبع الوقت بالنسبة للfreelancer مثلا.أو بناء موديل بيتوسع في خدمات الai زي نانسي وإزاي بتعمل interview بالai مثلا..
إيه تأثير دا على الصناعة، لما أصحاب الأعمال الصغيرة يبدأوا يعملوا احتياجتهم التقنية بالai؟ بدل ما يستعين بمبرمج.
إزاي يحدد احتياجه عشان ميتحملش تكاليف خفية، وفي نفس الوقت يتجنب ضريبة الأخطاء النادرة؟ الfat tails.. هي في الحالة دي مش هتبقى نادرة؟
وهل شركات الذكاء الاصطناعي ممكن تتوسع في الحلول المعتمدة على أنظمتها؟ إيه الرادع لها؟ شكرًا لحضرتك.

كل الاحتمالات مطروحة, لكن في رأيي اللي بيحكم حجم الموضوع ده هو تكلفة الفرصة الضائعة, يعني لو انت شركة بتبيع تأمين مثلاً, و كنت بتشتري خدمات مراجعة عقود من شركة SaaS و بعدين اكتشفت انك مش بتستخدم ٩٩٪ من امكانياته و ممكن تعمل لنفسك Solution ينجز معاك و يبقى متفضل عليك و توفر على شركتك الفلوس دي, و خلصت الموضوع في أسبوع شغل و الدنيا تمام, انت كده وفرت فعلاً و حالك مشي, لكن افرض انك عجبك الموضوع بقى و مشيت على كل الخدمات اللي انت شاريها و قعدت تحلل فيها و تشوف ايه اللي محتاجه فعلاً و محتاج فيه ايه و ليه و بعدين قعدت تبنيهم لنفسك, نظرياً ممكن توفر فلوس, لكن انت ضيعت وقت انت ممكن تستغله في انك تعمل فلوس في مجالك اللي انت عندك فيه ميزة نسبية و خبرة, فالموضوع محتاج توازن و الا حيحصل تشتت و حتلاقي نفسك محتاج فرق كاملة جوة علشان تعمل صيانة لكل اللي انت كتبته ده, و ترجع لنقطة الصفر اللي ابتدى بسببها ال SaaS و الشركات المتخصصة في الحلول.
الوضع مشابه لشركات الذكاء الصناعي, لكن هم عندهم حرية أكبر في اختيار ايه المجالات اللي ممكن يقدموا فيها ميزة تنافسية عالية في مجالات بعينها بسبب ان عندهم خبرات في تقنيات الذكاء الصناعي مش موجودة عند الشركات المتخصصة دي, و ابتديت تشوف بالفعل حاجات منهم في مجالات الصحة و ال Finance على سبيل المثال, بس هم برضه محكومين بمبدأ تكلفة الفرصة الضائعة لو حطوا استثمارات كبيرة في مجالات تانية العائد منها مش حيبقى قد العائد من ال Core Business بتاعهم