حضرتك لما بتبرن اوت بتعمل اي وتخرج من الوضع دة ازاي ؟

هو الواحد المفروض ما يسيبش نفسه يوصل لمرحلة ال Burn-out أصلاً, لأن التعامل مع الموضوع ده بيبقى صعب جداً و ممكن يبقى ليه تبعات طويلة الأمد, يعني المفترض ان عدد ساعات شغلك في الأسبوع ما تعديش حد أقصى - حسب انت شايف ايه يعني - مهما كانت الظروف, زي الطيارين كده, عندهم عدد ساعات طيران متصل أقصى و بعدها لازم تتوقف, و الا حتبقى بتقضي على صحتك النفسية و أعصابك و صحتك بشكل عام, و لازم برضه تأخذ إجازات كل فترة علشان تفصل شوية.
أنا بالنسبالي بحاول آخذ إجازتي في الصيف قدر المستطاع و أسافر, أغلب الوقت بنزل مصر, جزء منها أشوف أهلي, و جزء منها أبقى بعيد بشكل كافي جغرافياً بحيث ما الاقيش نفسي بتابع اللي بيحصل برضه في الشغل.