هو ال SaaS يعني تحديث البرامج من خلال إرسال التحديثات من خلال الإنترنت من دون كسر النظام بدل تثبيت كل نسخة و إزالة القديمة كليا، ولا أنا فاهم غلط أصل ويكيبيديا فيها تفاصيل معقدة كتير

هو SaaS قبل ما يبقى تكنولوجيا معينة هو في الأساس تغيير في فلسفة السوفتوير من أنه منتج بتشتريه زي ما بتشتري مثلاً نسخة اوفيس او فوتوشوب لانه يتحول لخدمة باشتراك شهري زي Office 365 و Adobe Creative Suite و ده بيادي لتحديات تكنولوجيا كتير من أكبرها أن عبء حفظ و تخزين بيانات المستخدم بتبقى على مقدم الخدمة علشان يضمن أن المستخدم يقدر يوصل للخدمة و الملفات و اي progress من اي مكان، و ايضاً بما أن المستخدم مشترك فبالتالي لازم البرامج تتحدث تلقائياً باستمرار و ده اللي بيحصل حالياً انك بتلاقي البرامج بتتغير كل يوم عن اللي قبله طبعاً تغييرات بسيطة لكن مستمرة فعلى المدى البعيد البرامج بتكون اتغيرت كتير بس مش عن طريق نسخة جديدة تنزل مرة كل كام سنة لكن عن طريق تحديثات مستمرة بسيطة.