على فرض اني نجحت بالمقابلات لشركة ما، بس المبلغ ما عجبني، شو انسب طريقة حتى افاوض؟
Anonymous · Around February 2017
Mohamed Elsherifاهم حاجة انك تبقى صريح و احترافي في تعاملاتك مع الشركة اثناء عملية التفاوض، و خلي بالك عملية التفاوض بدأت بالفعل من أول يوم تعاملت فيه مع الشركة خصوصا لو اديتهم بيانات عن دخلك الحالي او الدخل اللي انت متوقعه.
عموما ما ينفعش تتفاوض قبل ما تقعد مع نفسك و تعرف ايه الرقم اللي مستحيل تقبل بأقل منه تحت اي ظرف، و توصل للرقم ده بناء على دراسة مبدئية للسوق و مستواك و دخلك الحالي و نسبة الزيادة التي تريدها.
الرقم ده حيساعدك تاخد قرارك بسرعة لو احتجت، يعني لو عرضوا عليك رقم أقل من اللي انت محدده لنفسك، ردك بالرفض حيكون سريع و حاسم، و ده حيخلي الشركة انها تعيد تقييم العرض، و يقدموا عرض أفضل، او رفضوا تماما و ما قدرتش توصل معاهم لتسوية خلي عندك استعداد لرفض العرض و شكراً.
و عموما فكرة التفاوض قائمة على مين الطرف اللي عنده اليد الأعلى Upper hand، لو انت معاك أكتر من عرض من أكتر من شركة، فأنت ليك اليد الأعلى في التفاوض، لو الشركة عندها اكتر من متقدم للوظيفة و قبلت أكتر من شخص و هي تحتاج واحد منهم فقط فالشركة لها اليد العليا.
حاول قدر المستطاع ان تقوم بعمل مقابلات مع أكثر من شركة في نفس الوقت لتعطي نفسك خيارات و مساحة تفاوض أكبر.