هو يعني ايه Port انا عارف أن كل service ليها Port وأنه محجوز لحد 1023 بس هو يعني ايه بقي مش عارف 🤔🤔

تخيل انك بتبعت جواب لحد ساكن في عمارة كبيرة، فانت بتكتب على الجواب عنوان العمارة (رقم المبنى، الشارع، المدينة، الدولة) و بتكتب برضه رقم الشقة

العمارة هي ال Computer و عنوان العمارة هو ال IP Address و رقم الشقة هو ال Port و الشقق هي ال Programs اللي شغالة على الجهاز و الجواب هو ال Packet

لو كتب الجواب من غير رقم الشقة، الجواب حيوصل على باب العمارة، بس ما حدش حيبقى عارف الجواب بتاع مين تحديداً، و كذلك لو كتب ال IP Address بس فال Packet حيوصل للجهاز، بس الجهاز مش حيعرف أي برنامج المفروض يستقبل ال Packet ده.