بعد إذنك يا باشمهندس هو ايه لازمة الداتا ستراكشر علشان انا لغاية النهاردة مش فاهم فيها اي حاجة خالص

تخيل انك عندك كتب كتير و ملفات و ورق في البيت، و الحاجات مرمية كده في كل حتة، كل شوية لما تحب تقرا كتاب، تروح تدور في وسط الاكوام ده علشان تلاقي اللي انت عاوزه، طبعاً كل مرة حتيجي تعمل أي حاجة حيطلع عينك و مش حتبقى عارف الموضوع حياخد قد ايه و اذا كنت حتعرف تلاقي اللي انت عاوزه اصلاً و الا لأ.

فواحد اقترح عليك انك تشتري مكتبة و أرفف تحط عليها الكتب و تنظمها و ترتبها و كل حاجة يبقى ليها مكان، و تأرشف الكتب دي بالطريقة المناسبة لك، سواء ابجدياً او بالموضوع أو بالاتنين أو بأي حاجة، بحيث لما تبقى عاوز كتاب معين تروح مباشرة على الرف اللي انت متأكد ان لو الكتاب ده موجود حتلاقيه هناك.

اهه الكتب دي هي البيانات، و المكتبة و الأرفف هي الهياكل. و الأسلوب اللي انت اخترته و انت بتدور أو بتخزن هي الخوارزميات.