في رأيك ايه أفضل علاج للتسويف وإن الواحد يستمر على مذاكرته؟يعني الواحد عارف مجاله الي عايزه وايه الي المفروض يذاكره لكن للأسف بيسوف برضه أو غرقان في حالة من إدمان السوشيال ميديا لحد إن الموضوع بقى مدمره ومش عارف يركز على مستقبله.

و الله كلنا بشر و كلنا بنسوف و برضه كلنا بنضيع وقت على السوشيال, أعتقد بس محتاج تحط اهداف منطقية لمذاكرتك, يعني مثلاً حذاكر ساعة في اليوم على الأقل, و دي تحارب انك تعملها مهما كانت الظروف, و برضه تربط مذاكرتك بهدف علشان ما تبقاش مملة, يعني خلي مذاكرتك مثلاً في اطار مشروع بتحاول تبنيه, فكل ما تتعلم حاجة تنفذها و تشوف مشروعك بيكبر قدامك, و برضه لو حصل انك وقعت يوم و لا حاجة ما تجلدش نفسك قوي علشان ما تلاقيش نفسك رميت الجمل بما حمل, عادي كمل.