انا المشكله الي بتقابلني لما اجي اذاكر حاجة هي ال prerequisites بتاعت اي حاجة باجي اذاكرها لدرجة ان دة بيبقى عائق اني مذاكرش المادة اصلا واغرق في ال nested prerequisites .. في نصيحه؟

اصل ده شئ مالوش آخر، لازم تبقى مطمئن ان كل الناس عندها حدود لعمق معلوماتها، فمحتاج تقف عند نقطة و تشوف هل انت بتحقق هدفك من المذاكرة و لا داخل في Rabbit Hole مالهاش آخر

هو في وجهة نظري ده نفس الفرق بين المعرفة و الخبرة, يعني المعرفة مهمة علشان بتبقى عاملة زي الخريطة اللي بتكشف العالم قدامك, لكن الخبرة الحقيقية اللي على الأرض مهمة جداً علشان الخريطة مهما كانت مش حتقدر تلم كل التفاصيل اللي في الواقع, هي في النهاية مجرد نموذج.
الاتنين مهمين المعرفة مهمة علشان ما تضيعش وقت في طرق مش حتوصلك لحاجة, و الخبرة حتحدد سرعتك و كفاءتك في اجتياز العقبات اللي في طريقك.