انا لسه مخلص دراسة من شهرين, بقدم على فرص لمجرد اني اكون بعمل اللي عليا مع اني بكون عارف ان السي في مش هيتشاف اصلا, مش عارف اقدم فين غير اللي بشوفه على linkedin وعدم وصولي لأسيسمنت او انترفيو مديني احساس باليأس اني هقدر اشتغل في المجال ده اصلا, انا مدرك ان فيه مشكلة عامة بس هل المشكلة متضمنة فكرة اول وظيفة ولا فيه احتمال حقيقي ان الواحد ميوصلش لشغل فعلا؟

لا اجمد كده, احنا لسة في أول الطريق, حتيأس من دلوقتي؟ محتاج تقدم بكثافة, يعني انت وظيفتك دلوقتي انك تدور على وظيفة, من ساعة ما تصحى الصبح لحد ما تخلص يومك مش بتعلم حاجة غير انك بتدور و تقدم و تذاكر و تتابع و ترد على اللي يبعتلك و تحدد مواعيد و تعمل انترفيوهات, و لو ليك زملاء اشتغلوا ابعتلهم و شوف عندهم فرص و قدم فيها, خليك حرك كده و ربنا يوفقك ان شاء الله, و سيبك من محتوى نهاية العالم اللي ما بيأكلش عيش ده