انا صيدلي و اتعلمت كذا حاجه بكذا كورس بس مش متقن حاجه معينه بس انا نفسي جدا ادخل الtech .. مش عارف ايه انسب حاجه ليا وعمري كمان ٣٠ سنه

اعتقد جرب مجالات التطبيقات عموماً, زي تطبيقات الويب أو الموبايل, أعتقد دي مجالات مش بتحتاج تعمق كبير في علوم الحاسب بشكل عام على عكس مجالات زي الذكاء الصناعي مثلاً, و جرب تبني حاجات, يعني اختار فكرة تطبيق حتى لو مهروسة مليون مرة قبل كده, و ابتدي جرب تبني, و لما تقف و تحتار مش عارف الحاجة دي بتتعمل ازاي, روح دور و أتعلم الحاجة دي, و هكذا, المهم هنا مش التطبيق نفسه قد ما انت بتستكشف المجال و هل مناسب ليك و لا لأ, و أدي نفسك فترة زمنية محددة, مثلاً ٦ شهور أو سنة بالكثير, علشان برضه ضغط الوقت حيساعدك تركز و ما تسرحش في حاجات عشوائية كثير.