ازاي شكلت مفاهيمك الدينية وقناعاتك خصوصا بعد الاحتكاك بثقافات وطرق تفكير وحياة مختلفة؟ وازاي الواحد يأسس نفسه صح في الجانب الديني والفكري والقناعات الشخصية بشكل سليم وجهة نظرك؟انا في أول العشرينات وكل ما بحاول اكتشف حاجات جديدة بلاقي تعقيدات أكبر وصعب الجزم فيها وبيحصل زي overflow فكري كدا ومبلاقيش فيه solid foundation أقدر أستند عليه لما يحصل أزمة أو أكون محتاج آخد قرار.

أنا مش بناقش المواضيع الدينية مع الناس عموما، من الحاجات اللي الواحد اكتشف بدري أنها حديث بلا جدوى، خلينا في الشغل، كل واحد يلاقي طريقه حسب رحلته في الحياة.

ما تدخلش نقاشات انت مش قدها.

الاتنين, يعني لو انت شايف نفسك من النوع اللي ممكن يتأثر بشكل كبير بالنوع ده من النقاشات يبقى تفاداها لأنها عموماً غير مفيدة, و لو انت عاوز تبحث في حاجة روح ابحث فيها بنفسك من مصادر حقيقية.

أنا ماليش في الفلسفة قوي الصراحة، و عموما تجارب الحياة مش حتسيبك في حالك و حتفضل تختبر فيك، و ما عنديش وقت ادخل في مهاترات و هري كثير مالوش آخر.

هو مش توهان قد ما هو ان الواحد بيعيد حساباته في حاجات طول الوقت, لو الواحد عقليته ما بتطورش مع الزمن و التجارب يبقى فيه حاجة غلط يعني.