هو في غايات واحتياجات من الشغل غير التربح المادي ؟؟ سؤال يبان غبي بس الدنيا بتضيق قدامي ودة بينعكس علي مذاكرتي .. انا من النوع الي بستمتع بالمذاكره والتعمق .. فلما احس كدا فأغلب الحاجات ملهاش ROI اوي من الجانب المادي يعني .. ولا الزمن دة عايز برجماتية من نوع اعمل الي يجيب فلوس وخلاص ؟
Anonymous ·
Mohamed Elsherifمن وجهة نظري الاحتياجات عاملة زي الطبقات, الجزء المادي هو الطبقة الأولى, بمعنى لازم تسعى ان دخلك يغطي كل احتياجاتك الأساسية بشكل كاف, بحيث ما يبقاش عندك مشاكل مثلاً في انك تلاقي مكان تسكن فيه أو تأكل و تشرب و تتعالج و تعيش حياة كريمة انت و اللي مسؤول عنهم, بعد كده فيه طبقات تانية زي انك تكون بتتعلم أو بتشتغل في حاجة بتحبها أو في مكان قريب من بيتك أو أو, و ترتيب الحاجات دي بتختلف من شخص للتاني.
من الآخر الاحتياج المادي بيبقى الأولوية الأولى لحد ما دخلك يكون كافي لحياة كريمة, بعدين ممكن تبص لأي حاجة تانية.
و فيه برضه حاجة محتاج تاخذ بالك منها, ان الاحتياجات المادية بتختلف حسب انت في أي مرحلة في عمرك, يعني لو انت في العشرينات و لسة متخرج, فمصاريفك عادة مش كبيرة, فبشكل عام بتوازن دخلك مع انك تتعلم كنوع من الاستثمار في نفسك من غير ما تبقى عندك مشكلة كبيرة, بس في مراحل تانية زي الثلاثينات مثلاً, حتبتدي مصاريفك تكون أكثر, احتمال كبير يكون بقى عندك أسرة فالاستثمار اللي انت حطيته في نفسك في العشرينات مهم, لأنه مع الخبرة اللي انت أخدتها ممكن يأهلك لوظايف تقدر تجيبلك دخل يكفي احتياجاتك.