السلام عليكم يا هندسة، عندي سؤال مهم. مع انتشار الـAI، بقى بعض أصحاب الشركات يدخلوا الـProduction ويضيفوا Features بنفسهم باستخدام Claude وغيره. المشكلة إننا كـTechnical Team مسؤولين عن الـProduction، لكن أحيانًا نلاقي Component مستقر اتعدل واتضاف له Business Logic من ورانا، وبعدها مطلوب مننا نضمن استقراره ونلاحق المشاكل الناتجة.
مثلاً WhatsApp كان مجرد Service بسيطة، وبقى فجأة فيه Forms وWebhooks وإعدادات وBusiness Logic.
إزاي نتعامل مع الوضع ده عمليا، خصوصا إن ده بقى منتشر ومش سهل تغيير الشركة؟ وحتى لما تقول ليه حضرتك خربت الدنيا ومالوا يا كلود صلح "اصلي بساعد" عايز انجز بس
Anonymous ·
Mohamed Elsherifالموضوع ده ما يتحلش بالمنع التام، لأنه غالباً مش حيشتغل، خصوصاً لو صاحب القرار شايف إن الـAI بيساعده ينجز بسرعة. الحل العملي هو التنظيم: لو حد عايز يضيف حاجة بنفسه، تمام، بس مش على الـProduction مباشرة، ومش من غير نفس الـQuality Gates اللي أي حد في التيم بيعدي عليها.
يعني ببساطة:
- مفيش تعديل مباشر على الـProduction
- أي change لازم يبقى through PR / review / tests / approval
- لو الحاجة AI-generated فده سبب لGuard Rails أكتر، مش أقل
- ownership يفضل واضح: مين بنى، مين راجع، ومين مسؤول عن تشغيله وصيانته
المشكلة هنا مش إن Claude كتب كود، المشكلة إن فيه Business Logic بيتسرب للنظام من غير process. ودي مع الوقت بتحول أي component مستقر إلى صندوق مفاجآت، وبعدها التيم يتطلب منه يضمن الاستقرار لحاجة هو أصلاً ما شافهاش وهي بتتبني.
فبدل النقاش يبقى "مين خرب الدنيا"، خلوه يبقى "إزاي الشركة عايزة التغيير يدخل النظام". مثلاً:
- sandbox أو staging لأي تجارب
- branch protection ومنع edits المباشرة على الـmain أو الـprod
- required checks قبل deploy
- logging و audit trail علشان تعرف مين غير إيه ومتى
- feature flags علشان أي إضافة جديدة تتفتح تدريجياً مش مرة واحدة
- تعريف واضح: اللي يضيف حاجة خارج الـprocess تبقى experimental ومش التيم مسؤول عنها تشغيلًا إلا بعد ما تدخل رسمي
وده في رأيي الاتجاه الطبيعي للصناعة أصلاً: مع تسارع معدل التغييرات بسبب الـAI، الاستثمار في الـGuard Rails بقى أهم، لأن البديل هو فوضى بسرعة أعلى 😅
ولو الشركة رافضة أي تنظيم خالص، وعايزة الناس تعدل على الـProduction مباشرة ثم تحاسب التيم على النتيجة، فدي مش مشكلة AI، دي مشكلة إدارة ومخاطر. ساعتها أقل شيء تحاولوا توثقوا ده كتابةً: إيه اللي اتغير، خارج أي process، وإيه مستوى المخاطرة، علشان حدود المسؤولية تبقى واضحة.