يا بشمهندس اتمنى حضرتك ترد عليا لو أنا شخص فقير يعني لا أملك سوى اللاب بتاع وشغال وظيفه ب ٧ تلاف ونص ، وخريج حاسبات بكمل مذاكره ع امل تغير حالتي الماديه شوية ، هل تنصحني أشيل ٤ k مثلا اتعلم اتداول بيهم وله ادخل ثاندر ، أو ممكن تقولي الطريقه اللي افكر بيها تغير حالتي تكون ازي؟ عايز استفيد من خبرات حضرتك

هو الادخار و الاستثمار بشكل روتيني شي مهم جدا، و كويس انك عندك استعداد تعمله، بس في رايي انك محتاج تركّز اكثر في السعي لزيادة دخلك، لان اعتقد انك مش حتقدر تعيش كويس لو ادخرت او استثمرت نص دخلك دلوقتي.
اللي انصح بيه دلوقتي مش الاستثمار المالي خالص، ممكن تدخر من باب يبقى عندك فلوس طوارئ علشان لو لا قدر الله وقعت في ازمة، لكن لازم الفلوس دي تبقى في صورة سايلة او شبه سايلة علشان تقدر توصلها بسرعة، يعني وديعة او دهب مثلا.
و تاني ركز على ايه الأستثمار اللي تعمله في نفسك علشان تزود دخلك اكثر، لو انت عايش في منطقة الفرص فيها قليلة ابتدي دور برة المنطقه دي، لو فيه مهارات ناقصاك اشتغل عليها.