انا شغال swe حاليا بقالي ٣ شهور تقريبا مشكلتي اني بعاني من الخمول من ساعة ما اشتغلت او التشتت كل ما الاقي حاجة جديدة بروح ابدا فيها اسبوع و أعيد نفس السيكل فازاي اطور من مستوايا في الswe عموما

مش عارف إذا كان ده المشكلة و لا لأ, ساعات كثير اللي بيحصل ان الناس بتبتدي في موضوع ما, و في البداية كل حاجة بتبقى سهلة و مفيش مشاكل, و أول ما الموضوع يبقى Challenging شوية, بيسيبوه و ينقلوا على حاجة تانية يعيدوا فيها حلاوة البدايات تاني.
لو ده مسمع معاك, محتاج تصبر شوية على أي مجال تمشي فيه, مفيش حاجة بتيجي بالساهل, و حيبقى فيه حاجات مملة و حاجات صعبة محتاجة مجهود علشان تتفهم, شوف ايه اللي بينفع معاك, مثلاً لو عادة بتقعد في غرفتك على السرير مثلاً ده بيخليك تحس بالخمول غير المكان, حتى ممكن تطلع تقعد في مكان برة البيت, لو فيه مشتتات حواليك زي تليفونك أو تليفزيون, شيلهم من قدامك و انت بتذاكر, لو بتقرأ من لابتوب و بتلاقي نفسك بتفتح حاجات تانية بعد شوية, هات كتاب ورق و اقرأ منه. و هكذا لحد ما تعرف ايه اللي بينفع معاك