هو سؤال بدائي شوي انا عندي مشكلة دائما مع المذاكرة مش البرمجة أو علوم الحاسب فقط ديما بحس اني مش قادر افهم الشئ إلى قدامي دا و اني بكون حافظ الطريق لكن مش فاهم ايه الطريقة إلى اقدر اعالج بيها المشكلة دى
سؤال تاني ازاي اقدر أطور التفكير المنطقي هل في مسار لشئ ده كورس مثالا أو أسلوب معين الشخص يقدر يتبعة

هو سؤالك مش بدائي خالص، و غالباً المشكلة مش إنك “مش بتفهم”، قد ما هي إنك حافظ الطريق أكتر ما انت فاهم ليه الطريق ده شغال. و ده بيحصل لناس كثير. يعني عقلك بيعمل Pattern Matching: يشوف شكل مألوف فيرجّع الحل أو الخطوات، و ده مش غلط، بس لوحده مش كفاية لو عايز فهم عميق.

في رأيي علاج ده بيكون بتغيير طريقة المذاكرة نفسها، مش بزيادة الوقت فقط. مثلاً:

• بعد ما تخلص جزء، اقف و اشرح لنفسك: ليه المعلومة دي صح؟ و امتى تبقى غلط أو ما تنفعش؟
• بدل ما تحل مثال شبه اللي شفته، غيّر المعطيات و اسأل: لو الشرط ده اتشال، ايه اللي هيتغير؟
• حاول توصل للمعلومة من الأول من غير ما تبص، مش بس تفتكرها. يعني Retrieval مش Review فقط.
• اربط كل مفهوم بثلاث حاجات: تعريفه، استخدامه، حدوده. معظم الناس بتحفظ الاستخدام و تنسى الحدود.
• ممكن تستخدم ادوات الذكاء الصناعي علشان تختبرك في المعلومة بحيث تخليك تبص للموضوع من أكثر من زاوية
  أما التفكير المنطقي، كنا عملنا حلقة عنه من فترة, ممكن تتابعها لو حابب