All answersمتاخدش كلامي على إنه هجوم، بس أنا فعلًا بحاول أفهم حاجة: ليه بيتكرر في كلام حضرتك وبعض الناس اللي سافرت برّه انطباع إن المهندسين اللي في مصر مش شاطرين، وإن مفيش سوفت وير بجد ولا شركات تستاهل، وكأن وجود ناس كفؤة أو شركات قوية في مصر حاجة مستغربة؟
متاخدش كلامي على إنه هجوم، بس أنا فعلًا بحاول أفهم حاجة: ليه بيتكرر في كلام حضرتك وبعض الناس اللي سافرت برّه انطباع إن المهندسين اللي في مصر مش شاطرين، وإن مفيش سوفت وير بجد ولا شركات تستاهل، وكأن وجود ناس كفؤة أو شركات قوية في مصر حاجة مستغربة؟
ممكن أكون فاهم بعض كلامكم غلط، بس ده انطباع بيتكرر عندي من تويتات وفيديوهات، مش من جملة واحدة خارج سياقها. وفي فرق بين نقد سوق الشغل وظروفه ومشاكله، وبين التعميم على كفاءة الناس اللي شغالة فيه والتقليل منهم.
السفر أكيد بيدي خبرات وفرص مختلفة، لكن مش صك كفاءة للي سافر، ولا شهادة بعدم الكفاءة للي فضل في مصر. وفي شركات بتعيّن مهندسين من مصر، وبتعيّن برضه ناس في الدول اللي أنتم فيها؛ فليه الكلام ساعات بيبقى كأن الكفاءة مرتبطة بالمكان أو بجواز السفر؟
أنا مش معترض على النقد، ولا بقول إن السوق في مصر مفيهوش مشاكل. اللي بحاول أفهمه هو: ليه النقد بيتحوّل أحيانًا من نقد الظروف والتجربة، لحكم على الناس نفسها؟ وهل ده فعلًا قصدكم، ولا أنا فاهم كلامكم بشكل غير اللي تقصدوه؟
Anonymous ·
مش عارف حضرتك بتتكلم عن كلام أنا قلته شخصياً و لا ده كلام عن عموم الناس اللي بتتكلم على السوشيال، أنا مسؤول عن اي كلام أنا قلته بس ما أعتقدش إني أبدا قلت حاجة بالمعنى ده، و لو ده وصل مني فأنا اعتذر عن ده.