اولا حضرتك عامل اي يارب تكون بخير وأحسن حال ازاي اذاكر من الكتب لأن بشوف ان التاسيس لعلوم الحاسب و العلم موجود في الكتب ومفيش كورس يقدر يغطيه وكمان حضرتك تنصح بمجالات اي نركز عليها واخير في حد قريبي محتار بين هندسة اتصالات وحاسبات و حاسبات ومعلومات ومحتار جدا

حسب انت عاوز ايه من الكتاب, يعني ممكن لو انت جديد على موضوع معين فممكن تذاكر أو تقرا كتاب من أوله لآخره بما ان أغلب الكلام جديد عليك, و برضه بتتابع مصادر تانية زي محاضرات أو مقالات و تبذل مجهود انك تبني أساس معرفي في الموضوع ده.
لو انت بالفعل عندك خلفية عن الموضوع, ممكن تتصفح أجزاء بعينها من الكتاب من غير ما تحتاج تقراه كله, تشوف مثلاً في نقاط محددة عاوز تعرف وجهة النظر هنا ايه, و ممكن بناء على ده تقرا أكثر أو تشوف حاجة تانية و هكذا.
و مش لازم اي كتاب ما دام جبته يبقى مجبر انك تقراه, لأن أحيانا أسلوب الكاتب مش بيعجبك أو تحس إيقاع الكتاب مش مناسب, فممكن تشوف غيره يعني مش عيب.

موضوع قريبك و الاختيار ده مفيش فيه صح و غلط, هو لازم ياخد قرار زي ده بنفسه, المجالين كويسين بشكل عام.