انا خريج نظم ومعلومات إدارية واشتغلت سنتين أندرويد ديفولبر بعدين عملت شيفت للسكيورتي علشان حابه اكتر وحاليا full time bug bounty hunter والحمدلله مستوايا بيتحسن وجبت جيبت رانك علي منصة من التوب ٣ جيبت رانك حلو.
حالياً مع ال AI والتغير السريع انا بستخدمه من فترة وعملت system خاص بيا علي Claude Code harness وعامله كويس الي حد ما وبطور فيه دائما واطبق البتعلمه زي مثلا بدات في الاول خالص ب agent عادي دلوقتي multi agent orchestration وعملت RAG وبقيت مش معتمد علي موديل واحد لا دامج 2 كل واحد قوي في حته معينه ليها وبحاول اطور دايما واتعلم الجديد
دلوقتي مش عارف اركز اكتر فين أركز في اني ابقي AI security engineer والتايتل ده هيبداء ينتشر ولا لا لان بقيت بشوفه بيطلب برا ولا اركز في اني اقوي نفسي في الدومينات المطلوبة في الشغل واخد certificate فيها واقدم
معايا فلوس عاينها واقدر استني شوية علي الشغل عادي بس مش عارف ايه افضل مكان احط فيه مجهود التعلم بتاعي حالياً لو عاوز اشتغل الشركات بتطلب يكون معايا 3 دومين او اكتر علشان اشتغل penetration teaster
بس انا شايف السوق بيتيغر ورايح لحته ال AI فهل اكمل تركيز فيها واكمل فيها واشوف ازاي ابقي AI security engineer
وكمان فكرت اخد دبلومة أمن سيبراني وبعدين ماجستير من كتر التفكير الكتير والقلق من المستقبل مبقتش عارف الصح فين
معلش طولت علي حضرتك بس الدنيا ضبابية ومش عارف احدد
Anonymous ·
Mohamed Elsherifأعتقد انت شايف السوق صح, الشغل التقليدي في مجالات ال Pen-Testing في انحسار مع صعود ال Automation باستخدام ال AI Models الحديثة و بالذات اللي مصممة لمجالات أمن المعلومات, و كويس انك داخل في الموضوع من بدري و بتاخذ خبرة فيه, أعتقد ده حيبقى استثمار ممتاز ليك في المجال.
و طبعاً الحياة بتحتاج أحياناً أختيارات تكتيكية و مرحلية بالذات في أوقات التحولات, يعني المستقبل اللي شايفينه بيتحقق لسة ما تحققش بشكل كامل, و الماضي لسة ما اختفاش بشكل كامل, فمحتاجين أحياناً علشان نعرف نعيش اننا نبقى رجل هنا و رجل هنا لحد ما التحول ينتهي, فلو شايف ان فيه قيمة في انك تعمل دبلومة أو حاجة ممكن تفتحلك باب رزق كويس اليومين دول و ده مش متعارض مع استثماراتك في المستقبل ده شئ طبيعي و ان كان طبعاً حيبقى ضغط وقت عليك شوية, فانت طبعاً أدرى بالسوق و احتياجاتك بس بشكل عام ده بيحصل علشان العالم مش أبيض و اسود و محتاجين نعيش في المنطقة الرمادية دي فترات