Answers on software, technology, and work. Find a topic and explore.
أيوة طبعاً, أنا كنت قايل Raspberry Pi كمثال لأبسط نوع هاردوير, لكن أي حاجة حتى لو VM's على كلاود شغالة. أنا مش عاوز أقولك اعمل ايه بالضبط, بس أنا ذكرت هنا أمثلة لتطبيقات ممكن تدور عليها و تعرف تنزلها ازاي و تفيدك في يومك عادي و تتعلم منها…
للأسف فعلا الناس مع الوقت و انتشار الذكاء الصناعي بطلت تفكر. هو عموما ما تبطلش انك تدور على مكان تاني بس ما تمشيش قبل ما تلاقي حاجة احسن، و ربنا معاك
اعتقد افضل انك توازن بين المواضيع دي، لان المقابلات كمان بتسأل فيهم كلهم فالتركيز على حاجة واحدة مش أحسن حاجة، و بالتوفيق ان شاء الله
بتوفيق ربنا و الله, غير طبعاً ان مش كل اللي نفسي أحققه أو أعمله بعمله, مثلاً حاجة عبيطة زي اني عاوز أعمل موقع لي و للبودكاست كانت أفكار عندي بقالها فوي العشر سنين, لسة عاملها الأسبوع ده.
أتوقع أيوة, بس طبعاً زي أي مجال تقني هو كمان بيتغير جذرياً بسبب الذكاء الصناعي برضه. و يستحسن جداً يكون فاهم برمجة أكيد مش بنفس مستوى المبرمج.
الفيديو ده حاجة سريعة كده, بس عموماً ممكن تدور على ECON-101 على يوتيوب حتلاقي محتوى كويس
ما عنديش معلومة و الله، بس أتوقع إنها لسة موجودة، و ان كان هي اكيد اتاثرت بالعرض و الطلب في الكام سنة اللي فاتوا دول.
ربنا يخليلنا ال AI، ليك فاضل شوية حاجات بس هانت الحمد لله
الكلام ده قديم، ال AI دلوقتي موجود في كل حتة
هو عموماً أي سؤال ممكن تلاقي إجابته ببحث على جوجل أول على شات ذكاء صناعي, فده مش بالضرورة أحسن سؤال تسأله لشخص تاني, انت بيبقى هدفك تسأل على رأي شخصي أو تجربة شخصية أو خبرة أو نصيحة مثلاً أو توجيه
كل شئ بالاتفاق عموماً, و لو العميل حصل على حقوق ملكية الكود, فعموماً هو حر بقى يكمل عليه, يبيعه تاني أو يجيب مبرمج تاني يشتغل أو ياخد منه أجزاء في مشاريع تانية, الا لو الاتفاق كان فيه غير كده و مربوط برخصة استخدام معينة.
هو سؤال التقاعد ده سؤال يختلف من كل واحد للتاني, و حسب ظروفه, و كمان حسب مفهومه للتقاعد ايه, يعني أنا بالنسبالي مفهوم التقاعد اني أوصل لمرحلة اني مش محتاج أشتغل, بس مش معنى كده بالضرورة اني مش بشتغل و قاعد في البيت, لكن ممكن يبقى شغل Part…
👇🏼
شوف Stack معينة و اتعلمها و اعمل كام مشروع مشي فيهم ايدك يعني. الموضوع مش مأساوي قوي, حتعمل الموضوع ده كثير عموماً, كل شوية حتبقى عاوز تتعلم حاجة جديدة و تتمرن عليها
ما هو لازم برضه يبقى عندنا شوية ثقة في ربنا, الفلوس كويسة بس مش هي اللي بتدي الاحساس بالأمان و مفيش رقم كفاية, لأن كل رقم بييجي معاه مشاكل جديدة في النهاية, اعمل اللي عليك و تابع مصاريفك و اتأكد انك شايل Emergency Fund كافي للفترة اللي…
هو أنا الصراحة ما عنديش وقت قوي علشان أعمل الموضوع ده صح, غير انه مش Scalable و مع فرق التوقيت ما بيبقاش عملي, فبفضل ان لو حد عنده استفسارات أرد عليه في أي مكان, و هنا طبعاً أفضل علشان الناس تعرف تلاقي الحاجة و ناس أكثر تستفيد.
أنا أرشح ان الناس تستثمر عموماً, وسيلة الاستثمار بقى تختلف على حسب خطط كل واحد و أهدافه.
فليكس يا باشا, ده شرف لي
الى حد كبير أغلب الكود بيتكتب بال AI, بس مش كل الكود
حسب المواضيع, يعني فيه مواضيع كان نفسي ندرس فيها أكثر و كانت حتفيد بجد, زي ال Statistics و ال Probability دول على حظ دفعتنا كانوا سيئين للغاية, مع انهم مهمين جداً لأي حد بيتعامل مع ىبيانات, من غير المهارات دي الواحد مش حيفهم منها حاجة,…